^

3 ka andana sa bag-ong CCMC magamit karong Abril

Odessa O. Leyson (Banat) - February 18, 2019 - 12:00am

CEBU, Philippines — Sukwahi sa miaging mga taho, ang tulo ka mga andana sa bag-ong Cebu City Medical Center (CCMC) mahimo nang magamit karong Abril 2019.

Si konsehal Mary Ann de los Santos, ang deputy mayor for health matters mitug-an sa Banat News nga adunay kausaban sa mga giplanong petsa sa pagkumpleto sa unang tulo ka mga andana kay gipaagi sa public bidding ang kontrata sa second phase sa construction.

“Best efforts for last week of April. Because wala nadayon ang contiguous (contract) instead it went thru bidding,” miingon si delos Santos.

Ang pagtukod sa bag-ong building sa ospital sa siyudad gilangkuban sa duha ka hugna, ang unang hugna mao ang structural framework ug ang ikaduha mao ang internal nga desinyo niini.

Ang ikaduhang hugna naglakip sa instalasyon sa mga linya sa kuryente ug sa komunikasyon nga gilauman nga buhaton sulod sa 150 ka adlaw.

Sa maong hugna, ang C.E Padilla Construction Inc. mao gihapon ang kontraktor sa kantidad nga P280 milyones.

Si De los Santos miingon nga aduna siyay iduso nga resolusyon sa konseho nga magtugot ni Mayor Tomas Osmeña nga mopirma sa notice of award ngadto sa C.E Padilla.

Sa higayon nga ang mayor mopirma sa notice of award ngadto sa naasoy nga kontraktor, gibana-banang mosugod dayon sa ikaduha nga hugna sa construction.

Dugang sa konsehal nga ang C. E Padilla magsugod sa pagtrabaho sa unang tulo ka andana aron magamit kini karong buwan sa Abril.

Ugma mao ang regular nga sesyon sa konseho sa siyudad.

Nasayran nga ang unang andana sa bag-ong CCMC alang sa parking, septage treatment plant, laundry area ug maintenance. Sa ikaduhang andana mao ang emergency room ug ang mga departamento sa pediatric, internal medicine, operasyon, ug organ imaging.

Sa ikatulo ibutang ang out-patient, dialysis department, hematology ug Oncology.

Dugang pa ni De los Santos nga dili pa matino ang petsa kon kanus-a magamit ang tibuok building kay ila pa kining hisgutan.

Sa kasamtangan, ang CCMC temporaryong nag-okupar sa usa ka building sa Bureau of Fire Protection-7 sa may N. Bacalso Ave.

Kahinumduman nga ang karaang CCMC giguba niadtong 2014 atol sa administrasyon ni kanhi mayor Michael Rama human kini maigo sa 7.2 magnitude nga linog sa niadtong tuig 2013. (/DILT)(BANATNEWS)

ABRIL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with