Si Cebu Governor Hilario Davide III mipahinumdom sa mga mayor ug barangay kapitan nga ilang kaakohan ang kaluwasan sa ilang mga konstituwente karong mga panahona.
File
‘Zero casualty’ gitinguha
Romeo Limpangog, Rowena Capistrano, Gabriel Bonjoc (Banat) - November 21, 2018 - 12:00am

CEBU, Philippines — Ang mga lokal nga kagamhanan sa Sugbo naninguha gyud nga way makalas sa pagigo sa bagyong Samuel dinhi hinungdan sa gimandong preemptive evacuations niadtong mga namuyo duol sa danger zones.

Si Cebu Governor Hilario Davide III mipahinumdom sa mga mayor ug barangay kapitan nga ilang kaakohan ang kaluwasan sa ilang mga konstituwente karong mga panahona.

“Preemptive evacuation is necessary because we can never tell if something might happen... The paramount concern is the safety of residents,” matud pang Davide sa mga tigbalita kagahapon.

Si Julius Regner, information officer of Cebu Provincial Disaster Risk Reduction and Management Office miingon nga kon gikinahanglang pugsanon nga pabakwiton ang mga tawo ilaha gyud kini buhaton.

Si Alfredo Quiblat, Jr., Philippine Atmospheric, Geophysical and Astronomical Services Administration-Visayas officer in charge miingon nga ang bagyong Samuel gipaabot nga motadlas tungatungang babin taliwala sa Metro Cebu o  Northern Cebu karong buntag.

Sa pikas bahin, kapin usa ka libo ka pasahero ang nangatanggong sa mga pantalan sa Sugbu ug sa Bohol nunot sa bagyo.

Nagdeklarar na sa tibuok probinsya ug sa Cebu City nga kanselado gihapon ang mga klase gikan sa elementarya hangtud sa kolehiyo.

Si Lt. Junior Grade Michael John Encina, tigpamaba sa Philippine Coast Guard Central Visayas miingon nga kanselado pa gihapon ang mga biyahe paingon ug gawas sa lalawigan sa Sugbo ug Bohol.

Miabot na og 1,579 ka pasahero ang stranded sa Cebu ug Bohol, 128 rolling cargoes, 74 ka barko, 11 ka motorbanca, 26 ka barko ug 28 ka motorbanca nga nanago paglikay sa bagyo.

Sa Dakbayan sa Talisay gimando ni Mayor Eduardo Gullas nga walay trabaho sa City Hall aron maatiman sa mga trabahante ang ilang pamilya tungod sa bagyo. - IBM/(BANAT NEWS)

HILARIO DAVIDE III
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with