Davide natahap kamatayon sa opisyales dili masulbad

CEBU, Philippines — Ang mga nahitabong pagpatay sa mga opisyal sa gobiyerno posibleng dili na kini masulbad matud ni Gobernador Hilario Davide, III.

Matud usab ni Davide nga mabantayan nga wala gihapoy resulta sa imbestigasyon sa kapolisan sa mga pagpatay sa mga opisyal.

Ang mga insidente gilangkuban sa pagpamanhig patay sa bise mayor sa Lungsod sa Ronda nga si Atty. John Ungab niadtong buwan sa Pebrero, pagpamanhig sa konsehal sa Barangay Lagtang, Dakbayan sa Talisay nga si Art Stephen Bas hangtod sa pagpamanhig sa mga ahente sa Philippine Drug Enforcement Agency nga sila sa Baby “Earl” Rallos ug Von Rian Tecson ug ang bag-o lang mao ang pagpatay kang Ronda Mayor Mariano Blanco.

“With the way sa kadtong mga previous murder involving government officials... I don’t know, I have my doubts gyud kong masulbad ni”, matud ni Davide.

Sa kaso ni Blanco ang gobernador unang niawhag sa National Bureau of Investigation (NBI) nga moapil sa imbestigasyon diin iyahang gihulagway nga ang maong ahensiya adunay maayo nga “investigating skills”.

Si Davide nagkanayon nga angay’ng paspasan sa kapolisan ang imbestigasyon ug labing maayo nga adunay parallel nga imbestigasyon ang NBI. (BANAT NEWS)