Mga EOs giedukar bahin federalism
CEBU, Philippines – Gipaubos sa seminar ang mga election officers sa Lalawigan sa Sugbo kalabot sa federalism nga maoy giduso pag-ayo sa administrasyon ni Presidente Rodrigo Duterte.
Matud ni Atty. Raphael Olaño, regional director sa Commission on Elections (Comelec-7), nga importante nga kahibalo ang mga election officers kalabot sa gisugyot nga bag-ong sistema sa gobiyerno sanglit ang Comelec man ang mopahigayon og plebisito panahon nga papilion na ang mga tawo kung mouyon ba o dili sa federalism.
"Kami ang magka-conduct eventually ng plebiscite tungkol doon, so kung kami mismo walang alam about it, how can we educate the people sa mangyayari na plebiscite about federalism?" matud ni Olaño.
Si Secretary Adelino Sitoy, Presidential Adviser on Legislative Affairs ug pangulo sa Presidential Legislative Liaison Office, maoy niedukar sa mga election officers kagahapon.
Matud ni Olaño nga gipasabot kanila ang matag probisyon sa draft Constitution sa federalism.
Nakauyon sab ang opisyal sa Comelec-7 sa usa sa mga probisyon diin ang mga politiko dili na basta-basta makaambak og political party. (/GMR)(BANAT NEWS)
- Latest
