TCJ gipun-an og CCTV, 9 ka inmates sa CPDRC balhinon
CEBU, Philippines — Gipahugtan pa sa mga opisyal sa Talisay City Jail ang seguridad sa maong pasilidad pinaagi sa pagdugang og montar og mga Closed Circuit Television (CCTV) camera.
Si Chief Inspector Mary Jane Inopia, Jail Warden sa TCJ nibutyag nga niabot na sa 32 ka CCTV ang nainstalar diha sa nagkalain-laing suok sa prisohan aron masiguro nga walay makaikyas o maghimo og ilegal nga kalihukan.
Sa laing bahin, siyam ka piniriso sa Cebu Provincial Detention and Rehabilitation Center (CPDRC) ang gikatakda ibalhin ngadto sa Leyte Regional Prison sa Abuyog, Leyte ug ingon man sa New Bilibid Prison sa sunod semana.
Matud ni Reynaldo Valmoria ang warden sa CPDRC nga kasagarang kaso sa maong mga priso nalambigit sa ilegal nga drugas.
Dugang ni Valmoria nga pamaagi usab kini aron nga makuhaan ang mga inmate sa CPDRC nga sa pagkakaron moabot na ngadto sa 3, 942 ang gidaghanon. (Le Phyllis F. Antojado/BDB) (BANAT NEWS)
- Latest
