Abot sa dakbayan sa Talisay nisaka
CEBU, Philippines — Nisaka ang abot sa Dakbayan sa Talisay sugod niadtong tuig 2016 ug gipanglantawan nga mosaka pa gyud kini. Kini maoy gibutyag ni Emma Macuto, Talisay City treasurer.
Matud ni Macuto nga gitutokan nila ang pagkolekta sa buhis aron modaghan ang pundo sa panudlanan sa siyudad ug ang pundo nga matigom magamit kini. Niadtong tuig 2015 miabot ngadto sa P216,194,609.22 ang nakolektang buhis ug pagkatuig 2016 misaka ngadto sa P227,552,245.76 ang buhis nga nakolekta ug sa miaging tuig niabot ngadto sa P254,601,753.26 ang buhis nga nakolekta.
Si Macuto nagkanayon nga wala pa nila makwenta ang buhis nga ilang nakolekta sa milabay’ng pipila ka bulan karong tuiga apan gilauman na niya nga mosaka kompara sa milabay’ng tuig ang makolekta nga buhis karong tuiga.
Sa laing bahin, si Mayor Eduardo Gullas nagkanayon nga ang buhis nga gihatag sa mga Talisaynon mabalik usab kini ngadto kanila pinaagi sa mga programa ug proyekto sa siyudad. (BANAT NEWS)
- Latest
