TESDA pormal nga mibukas sa skills competition
(Banat) - May 22, 2018 - 12:00am

CEBU, Philippines — Opisyal na nga gisugdan karong adlawa sa Technical Education Skills and Development Authority (TESDA)-7 ang Pre-Qualification Selection Process in Fashion Technology nga gipahigayon diha sa TESDA-7 Compound sa dakbayan sa Sugbo.

Ang pagbukas sa kalihukan gipangulohan ni TESDA regional director, Toni June A. Tamayo.

Ang maong kalihukan aduna’y tulo ka competitors nga naggikan sa nagkalain-laing rehiyon sa nasud kini gilangkuban ni Jenierose E. Magalona gikan sa region IV-A, Meriam E. Paje gikan sa region V ug Ruby G. Maglinte gikan sa region VII.

“Ang purpose po ng skills competition is that to insure that our graduates are competent and skilled na accepted globally”, matud pa ni Tamayo.

Ang tulo magtigi kini sa pagkuha og puntos nga gikinahanglan aron mahibaw-an kong kinsa ang ipadala ngadto sa World Skills Training Camp.

Kining camp nahimutang ngadto sa TESDA central office sa East Service Road, Taguig City diin bansayon ang mga competitors ubos sa tabang sa mga professional sama sa Armed Forces of the Philippines (AFP) aron mamahimong andam ug angayan nga magrepresentar sa Pilipinas ngadto sa 12th ASEAN Skills Competition sa Bangkok, Thailand nga mahitabo karong umaabot nga Agosto 25 hangtud Septiyembre 4.

Sa laing bahin, sigurado na nga kuwalipikado sa training camp ang mga competitors sa IT Network System Administrator, IT Network Cabling ug Electronics nga naggikan sa region 7 tungod kay wala sila’y kaatbang sa maong kompetisyon.

Kini mao sila si Vincent A. Villaluna, Jamiel L. Belarmino ug Ma. Rovina K. Buot. - Cherry Ann Fornez ug Ericalene Tanudtanud UV Journalism Interns (FREEMAN)

TESDA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with