^

Banat Balita

18 positibo sa drug test gitangtang sa trabaho

Bernardette A. Itang - Banat

CEBU, Philippines – Moabot sa 18 ka trabahante sa Department of Engineering and Public Works ug Assessor’s Office sa Siyudad sa Sugbo ang hingpit nga gitaktak sa trabaho nunot sa pag-positibo sa paggamit og ginadiling drugas.

Kini human gipirmahan na ni Cebu City Mayor Tomas Osmeña ang termination order sa maong mga trabahante kagahapon.

Gawas sa pagsunod sa balaud, ang mayor dili sab magduha-duha sa pagpapahawa sa mga kawani sa City Hall nga giingong tiggamitan og ginadiling drugas tungod kay dili niya kini i-tolerate.

“I am starting my own religion here in City Hall, ang Ginoo naghatag og 10 commandments, ako usa ra, don’t get caught,” matud ni Osmeña.

Nunot niini, ang mayor niingon nga magsilbi kining warning sa ubang empleyado sa City Hall nga ang gobiyerno seryuso sa kampanya batok sa ginadiling drugas.

“I don’t have time, to hold hands. I wish had the time to talk to their parents, legal counsel, rehabilitation, ayaw na lang. Daghan naghuwat nangita og trabaho, ato sila hatagan og chance, sorry na lang,” dugang sa mayor.

Sa niaging semana ang Cebu City Office for Substance Abuse Prevention (COSAP) nagpahigayon og surprise drug test sa pipila ka buhatan sa City Hall.

Nagkanayon ang pangulo sa COSAP, Garry Lao, nga bisan og ang mga nagpositibo sa drug test ipaubos pa sa confirmatory test ang mayor dunay discretion pag-terminate sa mga kawani tungod kay job order ug casual employees man sila.

Sa 15 ka empleyado sa DEPW, 13 niini mga job order ug laing duha ang casual employees samtang sa Assessor’s Office duha ka job order employees ug usa ang kawani nga casual.

“My message to them, kining drug test is not done for disciplinary purposes or to punish them but rather it was done to prevent City Hall workers from using illegal drugs,” asoy ni Lao. Ang COSAP nagpahigayon og random drug test sa matag buhatan sa City Hall ug sa 80 ka barangay alang sa drug-free workplace. (Jade Aura C. Mojado, PIT Interns/GMR)(BANAT NEWS)

DRUG TEST

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with