^

Mga tunghaan sa Toledo gibahaan

Raymond D. Abarcas (Banat) - January 17, 2018 - 12:00am

CEBU, Philippines — Sayo nga gipapauli ang 7,800 ka estudyante sa sekondarya ug elementarya sa Dakbayan sa Toledo human gilunopan ang ilang lawak saringan kagahapon sa hapon tungod sa kusog nga uwan.

Ang labing naapektuhan mao ang South ug North City Central Elementary School ug Luray Dos National High School.

Matud ni Mrs. Jean Clariño, usa ka magtutudlo, nga 20 ka lawak sa SCCES ang gibahaan sanglit gikan sa bukid ang kusog nga bul-og sa tubig diin inig awas sa drainage adto paingon sa ilang lawak sa ubos nga bahin.

Sumala pa usab ni Epitacio Cristuta, principal sa NCCES, nga sa 46 ka classroom, 42 niini ang gibahaan diin niabot na sa tuhod ang tubig baha.

Gipapauli sab ni Patricio Alimes, principal sa Luray Dos National High School, ang ilang mga estudyante.

Kasikbit lang ang North ug South City Central Elementary School ug ang Luray Dos National High School nga nabutang sa ubos nga bahin hinungdan nga daling bahaan.

Samtang giluwas sa mga kawani sa City Disaster Risk Reduction and Management Office ang mga estudyante sa West Bay Learning Center human niabot sobra sa hawak ang gilawmon sa baha sa maong pribadong tunghaan nga nahimutang sa tiilan nga bahin sa bukid.

Pipila sab ka residential area ang gibahaan tungod sa kusog nga uwan.

Niadtong Disyembre 31 gilunopan sab ang Dakbayan sa Toledo diin liboan ka residente ang naapektuhan hinungdan nga gipailawon sa state of calamity ang siyudad. (BANAT NEWS)

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with