50 ka polis ipaubos sa SWAT Training
The Freeman (Banat) - December 22, 2017 - 4:00pm

CEBU, Philippines — Sugdan sunod semana ang pagpili sa 50 ka polis nga ipaubos sa 45 ka adlaw nga basic Special Weapons and Tactics (SWAT) training.

Tuyo niini nga madugangan ang kasamtangang 30 ka SWAT personnel sa Dakbayan sa Sugbo, matud sa Peace and Order Program head Arnel Tancinco.

“They are supposed to start in qualifying last month, murag selection process ba. One of the issue is ang schedule nila, gihuwat from Camp Crame. And SWAT training, kinahanglan og approval,” matud ni Tancinco.

“Isugod [na lang] nila sa last week sa December kay mao ra gyud bakante nila. Although naa na may budget, nahatag na partially ang supplies like the ammunition, except sa pagkaon, that’s 50 days nga worth nga pagkaon. Ingon sila dili man importante, so magsugod sila next week,” dugang pa niya.

Wala pa hinoon nation ang lugar asa ipahigayon ang training sanglit gihuwat pa ang kamanduan gikan sa Camp Crame ilabi na sa mga opisyal sa Special Action Force (SAF) kinsa maoy gitahasan alang sa maong training.

Ang Peace and Order Program (POP) sa kagamhanan sa Dakbayan sa Sugbo maoy gitahasan sa funding ug logistical support sa tanang law enforcement ug peace and order-related agencies sa siyudad.

Gawas sa training, ang POP mao sab ang mo-bidding sa sa mga ekipo ug kahimanan sa SWAT unit.

“Gipa-utilize gyud ang funding. Like ang funding, like ammunitions, equipments sa police, training sa police. We will bid out supplies like the armored-vest sa SWAT, the specialized ammunition nga gitagaan ana nila, on the process [ang] procuring SWAT vehicle,” matud ni Tancinco.

Karong tuiga ang siyudad adunay P10 milyones nga gahin alang sa Police Special Vehicles diin ang sakyanan sa SWAT ang prayoridad ang giingong wala pa nagasto.

“Wala pa na siya (vehicles) ma-bid, nag-process pa mi sa specs, the money is there na, it’s capital outlay for this year, wa pa magamit, nadugay lang ta sa specs kay daghan kaayog gusto ang SWAT. Gusto silang pareha sa LAPD, pareha sa FBI nga design, which we are trying to discuss it suppliers kung capable ba,” matud ni Tancinco.

“Naa tay gi-bid for our Kevlar vest, helmet, but that’s good for 30 personnel to augment sa existing supply sa 30 personnel SWAT karon,” duhang ni Tancinco.

Ang konseho sa siyudad nipasar na og resolusyon sa paggahin og P1.8 milyones alang sa Cebu City Police Office (CCPO) alang sa training sa SWAT members. (BANAT NEWS)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with