Yukbo sa mga namatay nga sundawo sa Marawi
CEBU, Philippines — Aron pagyukbo sa mga namatay nga sundawo sa gubat sa Marawi City, ang kagamhanan sa Siyudad sa Sugbo mopahigayon og kalihukan karong Disyembre 20 sa Plaza Independencia.
Matud ni Cebu City Mayor Tomas Osmeña nga kini isip pagsaludar sa kasundaluhan nga nisakripisyo sa ilang kinabuhi aron protektahan ang nasud gikan sa mga terorista.
Sigun ni Osmeña nga ang publiko angayang mamalandong sa mga nakalas nga sundawo.
Sa maong adlaw ang kagamhanan sa siyudad mohatag sa P10 milyones nga hinabang sa mga pamilya sa mga sundawo nga nangamatay.
Hinoon ang maong pundo aprobahan pa sa konseho sa siyudad.
Samtang si Konsehal Sisinio Andales nisuporta sa lakang sa mayor sama sa paghatag og hinabang ngadto sa mga igsuon Muslim. (BANAT NEWS)
- Latest