Pagbalik sa PNP kontra drugas gikalipay
Migawas sa pamantalaan sa Philippine Star nga miingon ang presidente atol sa iyang speech didto sa Davao nga pabalikon niya ang PNP sa anti-illegal drugs operations. AP/Bullit Marquez
CEBU, Philippines — Dako ang pasalamat sa Philippine Drug Enforcement Agency-7 nga ibalik ang kapolisan sa kampanya batok sa ilegal nga drugas.
Migawas sa pamantalaan sa Philippine Star nga miingon ang presidente atol sa iyang speech didto sa Davao nga pabalikon niya ang PNP sa anti-illegal drugs operations.
Si Leia Albiar sa PDEA-7 miangkon nga dili gyud nila kaya sa PDEA lang ang operasyon batok sa ilegal drugs kun sila lang mao nga gihangop nila kining kalamboan.
Apan bisan pa man niini si Albiar miingon nga nakahimo og dakong kausaban ang ilang pagpakigbatok sa druga diin usa na niini ang pagnihit sa supply sa shabu ug sinagolan na.
Ang tigpamaba miingon ug nga gikan sa P18 mil kada bulto nahimo na kining tag P30 mil. Samtang ang direktor sa Cebu City Police Office nga si Senior Supt. Joel Doria miingon nga andam sila nga ibalik kontra ilegal nga drugas. (BANAT NEWS)
- Latest
