Naglalis sa kapuyo naghikog

CEBU, Philippines - Patay na nga napalgan sulod sa iyang kwarto ang 28-anyos nga lalaki human naghikog gamit ang habol niadtong Biyernes sa Suba Masulog, Dakbayan sa Lapu-Lapu. Ang naghikog giila sa mga polis nga si Ricardo Baynos Jr., nagpuyo sa maong dapit apan lumad nga taga Dakbayan sa Toledo.

Base sa imbestigasyon ni SPO1 Lydo Pinos nga human naglalis si Ricardo ug ang kapuyo niini, nisulod kini sa kwarto samtang ang kapuyo niadto sa balay sa iyang lola.

Nakuratan na lang ang iyang kapuyo sa pagbalik niya sa ilang balay mga pasado alas 12 sa udto nga nakit-an niya si Ricardo nga nagbitay na gamit ang habol. Gisuwayan pa kini og hatud sa tambalanan apan gideklara nga dead-on-arrival. Hazel A. Secop (BANAT NEWS)