Cellsites basin pagngon atol sa ASEAN Summit
Jojo C. Ugdol (Banat) - March 22, 2017 - 12:00am

CEBU, Philippines - Gipangandaman na sa Police Regional Office-7 ang pagpahigayon dinhi sa Sugbo sa ASEAN Summit karong unang semana sa Abril.

Ang director sa PRO-7 nga si PCSupt. Noli Taliño miingon nga andam na ang mga gipangtukod nga task force alang sa maong kalihokan nga himoon karong Abril 3 hangtod 7.

Matud ni Taliño nga adunay 19 ka "task unit" sa kapolisan ang giumol aron matagaan gayod og saktong pagbantay ang maong kalihokan.

Sa umaabot nga mga adlaw, mohimo sila og simulation exercises aron pagbansay sa mga polis nga maapil sa kalihokan ug aron mapalambo pa ang mga angayan nga ipatuman nga seguridad.

Si Taliño maoy magsilbing task force commander diin apil sab sa nangandam ang kapolisan sa Bohol kay aduna sa'y aktibidad nga himoon sa dapit.

Sa pagkakaron, halos kada semana o matag adlaw na ang gihimong panagtagbo sa kapolisan uban ang mga nalambigit nga ahensya.

Hangtod karon pabilin ang full alert status sa kapolisan apan si Taliño mipasabot nga sa umaabot nga mga adlaw, mas daghan pa nga mga polis ang ipakatap sa palibot sa siyudad. Kun magkulang ang kapolisan dinhi sa Sugbo, plano niini nga magkuha og mga polis gikan sa Bohol ug Siquijor. Gawas pa kini sa mga polis gikan sa kaulohan nga maglangkob sa mga special unit.

Gikonsidera sab sa kapolisan ang pagpalong na sab sa mga cell site atol sa ASEAN Summit. Apan matud ni Taliño nga ang maong lakang magdepende sa rekomendasyon sa nangulo sa maong task unit, ilabi na kun ugaling aduna'y makuha nga impormasyon kabahin sa hulga sa seguridad. (BANAT NEWS)

POLICE REGIONAL OFFICE-7
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with