_banat
^

Tawo ni Sabalones sikop

Gabriel Bonjoc (Banat) - March 15, 2017 - 12:00am

CEBU, Philippines - Nasikop ang tigpayuhot og ilegal nga drugas nga giingong tawo sa giilang drug lord nga si Franz Sabalones sa iyang panimaye sa Sitio Hawod, Bulacao, Dakbayan sa Talisay niadtong Lunes sa gabii.

Ang suspek nailhan nga si Reynaldo Abellanosa alyas Rey, 39, minyo nga nagpuyo sa Central Bulacao.

Si SPO2 Jeffrey Diola sa Talisay City Police Station nagkanayon nga ang mga nagpakabanang tawo ang nagpahibawo kanila sa presensiya sa suspek.

Ang poseur buyer nakigsabot sa suspek hinungdan nga malampuson ang ilang operasyon ug nakuha ang usa ka dako, duha ka medium ug 10 ka gagmay nga pakete sa shabu nga dunay timbang nga 10 gramos nga kantidad og P35 mil.

Si Diola nagkanayon nga tigluto si Abellanosa sa usa ka Korean school sa nahisgutang lugar apan ilang gidudahan nga mao kini ang mo-supply og drugas sa mga langyaw nga tinun-an.

Asoy pa niya nga idlas si Abellanosa hinungdan nga karon pa kini nila nasikop aron pasakaan og kaso. (BANAT NEWS)  

FRANZ SABALONES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with