79-anyos nanghinol
CEBU, Philippines - Gibalhog sa prisohan sa Argao Police Station ang usa ka 79-anyos nga lolo human kini gireklamo sa usa ka 11 anyos nga batang babaye nga nanghalok ug mihikap sa pribadong bahin sa iyang lawas diha sa Brgy. Guiwanon, Argao.
Sa imbestigasyon sa Women’s Desk sa Argao Police ang 11 anyos mitug-an nga gihaylo sa suspek nga ila rang silingan sa iyang P8 nga sensilyo apan wala tagda sa bata. Apan ang sunod nga gibuhat sa suspek, gigakos, gihagkan siya niini sa ngabil ug gihinol ang pribadong bahin sa ubos sa iyang lawas hinungdan sa paglugnot sa bata hangtud nga siya nakabuhi ug nakadagan sa ilang silingan.
Ang bata mitug-an sa iyang ginikanan kinsa midangop dayon sa kapolisan hinungdan sa pagkasikop niini. (BANAT NEWS)
- Latest