_banat
^

Bangko maka-operate sud sa 20 ka adlaw

Michael Vencynth H. Braga (Banat) - February 16, 2017 - 12:00am

CEBU, Philippines - Gilugwayan gihapon og laing 20 ka adlaw aron makapadayon sa ilang operasyon ang mga branches sa Banco de Oro (BDO) sa dakbayan sa Sugbo.

Kini human miluwat og status quo order si Executive Judge Gilbert Moises sa Regional Trial Court Branch 18 nga mipugong sa kagamhanan sa siyudad sa dili una pagsira sa 27 ka branches sa maong bangko.

Ang maong mando gihimo atol sa panagtagbo sa mga representante sa duha ka partido kagahapon sa korte.

Gikan sa 72 ka oras nga temporary restraining order nga daan nang giluwatan sa korte, aduna pay 20 ka adlaw nga gitagana nga mahuman karon Marso 6 alang sa operasyon sa BDO.

Gihatagan usab sa korte ang banko ug ang dakbayan nga moduso sa ilang memoranda sulod sa napulo ka adlaw. Magpadayon ang hearing alang sa mandamus petition karon Pebrero 27.

Kahinumduman nga niadtong Pebrero 13, miduso og petition for mandamus ang BDO batok sa siyudad aron paghimo og aksyon sa ilang aplikasyon sa pagbag-o sa ilang business permit.

Matud sa maong bangko nga way igong basehan ang dakbayan nga magdumili sa pag-renew sa ilang business permit bisan pa man og nakaduso na sila sa gikinahanglan nga dokumento.

Apan si City Legal Officer Joseph Bernaldez nagkanayon nga adunay mga depekto ang petisyon sa BDO. Matud niya nga adunay diskresyon ang mayor mahitungod sa mga business permit.

Dugang niini nga dili mapugos ang mayor sa pag-aksyon sa mga aplikasyon alang sa renewal sa mga business permit. Niadtong Disyembre 2016, gireklamo sa dakbayan ang maong bangko tungod sa giingong pagpangilad ug paglapas sa City Tax Ordinance.

Matod ni Osmeña nga adunay “under-declared” ug “falsified” nga gross sales ang bangko nga mokantidad lang ngadto sa P400 mil. (BANAT NEWS)

BANGKO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with