_banat
^

Banat Balita

Suspek paglugos sa masuso nadakpan

Banat

CEBU, Philippines - Gumikan sa lama sa dugo sa karton ug sapot nga adunay lama sa dugo ang 40 anyos nga lalaki nga taga Bohol ang gisignit sa kapolisan tungod sa pagdudang siya maoy nilugos sa unom pa ka buwan nga masuso nga gibilin diha sa kalubihan sa Brgy Perelos sa Dakbayan sa Carcar.

Ang suspetsado giila nga si Jonathan Marfe, lumad nga taga Katigbian, Bohol. Una niini, pito ka mga tawo ang giisip sa Carcar City police nga persons of interest nga ilang giimbitar nga naglakip sa mismong mga kabanay sa biktima.

Apan ang hepe sa Carcar Police nga si Chief Insp. Jose Liddawa miingon nga nakakuha sila og impormasyon nga adunay mga kaso nga attempted rape ang suspetsado didto sa Bohol nga ilaha karong gisubay.

Sigun pa ni Liddawa nga naabot ang suspetsado sa Carcar tulo ka adlaw na ang nakalabay ayha nahitabo ang insidente.

Gisikop si Marfe human adunay nakatudlo kaniya nga kauban niini nga nag-inom og bino nianang gabii pagkahitabo sa krimen nga nag-ingong nakit-an kining nagbahis-bahis sa balay sa masuso bisan namauli na silang tanan.

Matud pa nga nakita niini si Marfe nga misud sa balay sa masuso. Pagkakaadlawon napalgan na lang ang masuso nga gibiyaan ug nagsige og hilak sa may punoan sa lubi nga nagkadugo ang bilahan.

Sa gihimong followup sa mga polis sa gipuy-an sa suspek nakita didto ang usa ka karton nga adunay lama sa gidudahang dugo ug ang sinina nga gisuot sa suspek dihang nakita kining nisulod sa balay sa biktima.

 “Yun gyud ang sanina nga gigamit niya unya na-recover namo sa iyang balay. Nangutana mi ni Marfe kung anong suot niya lain ang tubag niya, hindi nagtugma sa sinabi ng witness,” matud pa ni Liddawa.

Si PO3 Vivian Tamayo sa Women and Children Protection Desk, miingon nga ang bata anaa karon sa Vicente Sotto   Memorial Medical Center ug gipaubos sa operasyon.

Gipaslak na sa selda ang suspetsado kinsa gikuhaan na og saliva sample kauban sa lain pang persons of interest. Nasuta usab sa mga doctor nga walay nakitang ‘semen’ sa bata.

Ang suspek kusganong nihimakak sa pasangil nganha kaniya ug siya miangkon nga nakainom kini nianang gabhiuna apan miinsister nga di niya kadto  mabuhat sa masuso.

Ang director sa Police Regional Office-7, Chief Supt. Noli Taliño pagkasayod sa balita mimando nga tutokan ang maong krimen ug kinahanglan nga masikop ang suspetsado.

Si Mayor Nicepuro Apura sa Carcar mipadayag sa iyang kasubo sa nahitabo sa bata ug nipasalig nga tabangan ang pamilya niini nga makab-ot ang hustisya.

Si Konsehal Girlie Veloso, pangulo sa Womens committee sa Perrelos nitug-an sa Banat News, stable na ang bata.

Siya midugang nga gibisita sa mga staff ni Presidential Assistant for the Visayas Michael Dino ang bata diha sa tambalanan.

Si Bise Gob. Agnes Magpale, co-chair sa Provincial Council for the Welfare of Children (PCWC) miingon nga ilang tabangan ang pamilya sa masuso gikan sa hospital ug sa legal nga aspeto. Jojo Ugdol, Rowena Capistrano, Le Phyllis Antojado (BANAT NEWS)

SUSPEK PAGLUGOS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with