Konsiyerto alang sa Cathedral
CEBU, Philippines - Ipahigayon karong alas 8 sa gabii ang Concerto Sacro kon konsiyerto sa mga sagrado nga musika nga pagahimoon sa Cebu Metropolitan Cathedral.
Ang maong concert, apilan nilang Conductor Maestro David Anne gikan sa Belgium, sa VIP Gullas Conservatory of Music, USPF Choir, Symphonia Academy Orchestra, San Carlos Seminary College, UV Chorale ug sa Cebu Metropolitan Cathedral Grand Choir.
Ilakip sa maong pasundayag ang Vivaldi's Gloria in Excelsis Dei, Way Sukod ang Pagmahal ni Msgr. Rudy Villanueva, Salva Mi ni Pamintuan ug Ayaw-ayaw ni Belarmino.
Si Jowell Cruz sa Diego Cerra Organ Builders motugtog og duha ka classical pieces sa bag-ong na-restore nga pipe organ sa cathedral.
Ang presyo sa ticket nagkantidad og usa ka libo ug P300 nga mapalit sa rectory sa cathedral ug ang halin niini itabang og gasto sa nagpadayong pag-ayo sa Cebu Metropolitan Cathedral. (BANAT NEWS)
- Latest
