Nasunugan sa Talisay pabalikon ni Kap

CEBU, Philippines - Gipasalig ni Kapitan Elzevier Abraham sa Barangay San Roque, Dakbayan sa Talisay nga ang iyang mga residente nga naigo sa sunog niadtong Huwebes sa hapon ang makabalik ra sa pagtukod sa ilang mga panimaye.

Matud ni Abrahan kinsa maoy tag-iya sa luna nga dili angay mabalaka ang mga biktima sa sunog tungod kay pwede ra gihapon sila makagamit sa yuta samtang wala pay plano ang ilang pamilya nga kini gamiton.

Dugang ni Abraham nga gawas sa gipanghatag nga assistance sa Department of Social Welfare and Development, posible nga mohatag sab sila og hinabang sa mga nasunugan kinsa kasamtangang gipahiluna lang una dili layo sa lugar nga nasunugan.

Samtang electric fan nga nabiyaan maoy gituohang hinungdan sa sunog nga niulbo kagahapon sa buntag sa may Lucio Drive Calamba, Dakbayan sa Sugbo.

Apan ang kabomberohan sa dakbayan mopalawom pa sa imbestigasyon, matud ni Chief Inspector Rogelio Bongabong, ang fire marshall.

Nadawat ang alarma alas 10:20  buntag ug nakontrolar alas 10:38 sa sa buntag. Walay naangol sa maong sunog apan nagbilin kini og danyos nga P200 mil. (BANAT NEWS)