^

Banat Balita

‘Pusher’ napatay, asawa dakpan

Jojo C. Ugdol ug Raymond Abarcas - Banat

CEBU, Philippines - Laing suspetsadong drug pusher ang napatay sa kapolisan kay nisukol kini dihang siya dakpon na unta, samtang ang iyang asawa gidakop tungod sa ilang pagpamaligya og drugas didto sa Barangay Don Juan Climaco, Toledo.

Ang napatay sa mga sakop sa Provincial Intelligence Branch sa Cebu Provincial Police Office (CPPO) mao si Virgilio Sombilon, alyas Toke, 37, samtang ang iyang asawa mao si Melinda, 37-anyos.

Matud ni PIB deputy chief Leo Logronio nga target sa ilang operasyon mao si Toke human nila napamatud-i nga namaligya gayud ang magtiayon og ilegal nga drugas.

Gibutyag ni Logronio nga anaa sa drugs watch list sa Toledo City Police si Toke ug giisip kini nga level 2 drug pusher. Matag usa ngadto sa duha ka semana, mohalin sila og 200 ngadto sa 300 gramos nga shabu.

Matud ni Logronio nga atol sa buy-bust operation, ang magtiayong Sombilon mao gyud ang gikasabot sa poseur buyer sa kapolisan, apan dihang gisikop na sa mga polis ang asawa, dali nga misulod sa balay ang bana ug pagbalik nagdala na’g armas.

Ang kapolisan nagkanayon nga nakapabuto gyud sa iyang armas si Toke ug maoy nakapugos sa mga polis pagbalos ug naigo ang suspetsadong pusher.

Ang samaron nga si Toke gidala pa unta sa mga polis sa Toledo City General Hospital apan wala na matabang tungod sa iyang mga samad-pinusilan.

Nasakmit sa kapolisan ang 45 kalibre nga pistola ni Toke, mga shabu nga kantidad og P354 mil ug ang P500 nga buy-bust money.

Ang asawa sa napatay’ng drug pusher gitanggong na sa bilanggoan ug gikatakda nga pasakaan og kaso sa hukmanan karong adlawa. (BANAT NEWS)

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with