_banat
^

Banat Balita

62 kandidato ray niduso og SOCE

Leo Lastimosa - Banat

CEBU, Philippines - Sa 71 ka mga kandidato sa lalawigan sa Sugbo sa nakalabay nga eleksyon 62 ra ang niduso sa ilang statement of contribution and expenditure kon SOCE diha sa Commission on Elections nga ang deadline niadtong Hunyo 8.

Matud ni Atty. Eliseo Labaria ang OIC sa Provincial Comelec nga ang wala makaduso og SOCE mahimo nga mapasakaan og kasong administratiba.

Sumala pa ni Labaria gihatagan og usa ka bulan ang mga kandidato aron pagproseso sa ilang SOCE mao nga gamay ra ang rason aron nga dili sila makaduso niini.

“Kay inig encode nimo ana nakaprogram na ang forms ana, kung masudlan nimo ang form o entry mo-reflect na sa uban nga forms, so dali ra na sya kaayo kung nasabtan lang nila kun unsaon” matud ni  Labaria.

Siya mipasidaan sa  wa moduso og SOCE adunay silot gikan P10mil ngadto P60mil depende sa posisyon ug kun kapila wa maka-submit ug posible pang di na gyud makakandidato hangtud sa hangtud.

Kun sobra ang gigasto makasohan hilabina kadtong mga nakadaog.

Matag kandidato kinahanglan mogasto lamang og P3 matag botante kun adunay partido samtang P5 kun independente.

Samtang sa Mandaue City, usa lang sa mga naparot nga kandidato nga konsehal sa Dakbayan sa Mandaue mao lamang ang napakyas sa pagsumitir sa iyang SOCE kagahapon. (BANAT NEWS)

 

 

 

 

CEBU
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with