Danyos sa huwaw P158M na
Shaira D. Laude (Banat) - May 20, 2016 - 12:00am

CEBU, Philippines - Gibanabanang mokabat na sa P158.8 milyones ang danyos sa agrikultura sa Probinsiya sa Sugbo gumikan sa huwaw.

Kini sumala pa ni Virgilio Jakosalem, ang crop division chief sa Provincial Agriculture Office base sa ilang datos kutob Mayo 17, 2016.

Grabeng naapektuhan sa huwaw mao ang mais nga adunay P45 milyones gikan sa 6,768 ka mag-uuma.

Sa humay niabot ang danyos og P3.2 milyones nga nakaapekto sa 483 ka mag-uuma sa 171.4 ektarya nga luna.

Ang labing daku nga naapektuhan sa huwaw mao ang mga high value crops sama sa gulay nga adunay P63 milyones ang danyos nga nakaapekto sa 3,498 ka mag-uuma, saging nga kardaba nga adunay P27 milyones nga nakaapekto sa 5,658 ka mag-uuma, root crops nga adunay P1.6 milyones diin wala pay labot ang balanghoy nga grabe usab ang danyos nga P3 milyones ug cutflower nga adunay P5 milyones ang danyos.

Lakip usab sa grabeng naapektuhan sa huwaw nga nakatala og P3.8 milyones ang danyos mao ang pangisdaan diin apil niini ang guso, tilapia ponds, bangus ponds, fish cages ug fish pens.

Matud ni Jakosalem nga nakapanghatag na sila og 20,833 ka kahon sa 13 ka nagkadaiyang klase sa liso ngadto sa mga mag-uuma.

Dugang niya nga aduna na lay 13,000 ka putos sa liso sa gulay ug ang binhi sa mais limitado na lang kaayo. (BANAT NEWS)

ANDI EIGENMANN BRILLANTE MENDOZA CANNES FILM FESTIVAL JACLYN JOSE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with