Mga kahoy nangamatay tungod sa kainit
Brenda Batuto (Banat) - February 5, 2016 - 9:00am

CEBU, Philippines - Mga punoan sa kahoy nga gipananom sa probinsiya ug sa mga lokal nga kagamhanan sa kalungsuran naapektohan tungod sa grabeng kainit.

Mao kini ang gibutyag ni forester Alona Villarojo atol sa gihimong “Kapestorya sa Kapitolyo” kagahapon. Matud niya, sa milabay’ng tuig 50 mil ka seedlings lang ang ilang natanom sa 60,000 ka seedlings nila nga target nga itanom.

Ang mga lugar sa habagatan nga grabeng naapektohan kaniadto sa bagyong Yolanda maoy kasagaran nga natamnan og mga kahoy.

Apan matud niya nga nausik ang ilang kahago tungod sa sobra kaayong kainit sa panahon kay nangamatay lang ang mga seedlings. Matud usab niya nga kasagaran nilang gipangtanom mga kahoy nga Mahogany.  Samtang ilang  giawhag ang katawhan nga buot nilang magtanom og  mga kahoy, kadto lamang mga kahoy nga mamunga og prutas nga makaon maoy ilang itanom sa ilang mga luna.

Kini tungod kay ilang nabantayan nga kun fruit bearing trees maoy itanom, atimanon man kini og maayo sa nagtanom aron ugma damlag adunay bunga nga ilang mapuslan. Dugang ni Villarojo nga karong tuiga 60,000 ka punoan gihapon sa mga kahoy ang ilang gikatakdang ipangtanom sugod sa buwan na sa Hunyo o Hulyo tungod kay kining mga buwana magsugod na ang ting-uwan.

Hinuon wala makasinati og problema ang gipananom nga bakhaw sa probinsya.

Si Chad Estella, hepe sa Provincial Environment and Natural Resources (PENRO) nagkanayon nga 335,000 na ka bakhaw ang ilang natanom sa amihanan ug plano nila kining padayunon karong tuiga. (BANAT NEWS)

 

ALONA VILLAROJO ANG APAN DUGANG HINUON ILANG MATUD MGA NGA PROVINCIAL ENVIRONMENT AND NATURAL RESOURCES SI CHAD ESTELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with