Kapin P2M shabu nasakmit
(Banat) - February 5, 2016 - 9:00am

CEBU, Philippines - Mokabat kapin P2 Milyones nga shabu ang nasakmit sa managlahing operasyon sa kapolisan sa Dakbayan sa Sugbo ug sa Pinamungajan.

Sa Pinamungajan, usa ka gidudahang level 3 drug pusher  ang nadakpan sa buy-bust operation sa Sitio Tubod, Brgy. Poblacion kagahapon sa hapon nga giilang si Christopher Baraga Sakristan alyas Toper, nagpuyo sa maong dapit apan lumad nga taga Brgy. Alaska-Mambaling sa Dakbayan sa Sugbo.

Nadakpan usab ang iyang kauban nga si Alexander Ferrer Bacalso alyas Alex, 24, taga  F. C. Padilla Street sa Dakbayan sa Sugbo.

Ang operasyon gipangulohan ni Police Inspector Gilfred Baroman kinsa migamit og poseur buyer pagpalit og drugas sa duha  hinungdan sa ilang pagkasikop.

 Nakuha gikan sa mga dinakpan ang usa ka gamay nga pakete sa gituohang shabu nga maoy gipalit sa poseur buyer, laing duha ka gagmay nga pakete sa shabu ug lima ka pakete sa dagkong putos sa gituohang shabu.

 Gibanabana nga motimbang kini og 105 ka gramos ug nagkantidad og gibanabanang mokabat sa P1.2 Milyon.

Samtang nadakpan usab sa kapolisan sa Toledo City sila si Ramil Mahilum Salas,35, ug Benjie Edoloverio Mahilum human gikatahong naatlan nga nagsuyop og shabu sa Brgy. Matab-ang. Ang grupo ni Inspector Rico Emperwa nakadawat og tawag kabahin sa duha nga nanuyop sa maong lugar hinungdan nga ilang giadto ug naabtan ang duha sa ilang gibuhat hinungdan sa ilang pagkasikop.

Sa laing bahin, di mominos sa P700 mil nga kantidad sa gituohang shabu ang nasakmit sa mga sakop sa City Anti-Illegal Drugs Special Operations Task Group sa Cebu City Police Office atol sa buy-bust operation sa Sitio Pung-ol, Brgy. Malubog ning dakbayan sa nakalabay nga gabii.

Apan nakaikyas ang usa sa mga target human kini nakabantay ug nakalayat sa likod sa balay. Ang nakasibat mao si Rene Cabuenas, apan nasikop ang iyang kapuyo nga si Ruby Fabroa, 28.

Sumala pa ni Sr. Insp. Eunil Avergonzado, hepe sa CAIDSOTG,  tulo ka semana nilang gipanid-an ang duha ug dihang nakompirmar ang ilang kalihokan gipalitan dayon sila og P200 nga shabu.

Matud pa si Fabroa maoy nitunol sa drugas apan sa dihang nahawiran na kini nakabantay si Cabuenas ug misutoy og dagan gibiyaan ang iyang kapuyo.

Sulod sa balay sa duha nakuha sa mga polis ang duha ka dagkong putos og siyam ka mga gagmay nga paketeng shabu. (BANAT NEWS)

 

 

ALEXANDER FERRER BACALSO ANG BENJIE EDOLOVERIO MAHILUM BRGY CEBU CITY POLICE OFFICE CHRISTOPHER BARAGA SAKRISTAN DAKBAYAN NBSP NGA SHABU SUGBO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with