Namuyo sa Devotees City alang sa IEC gamay ra
(Banat) - January 30, 2016 - 9:00am

CEBU, Philippines - Dili daghan ang namuyo sa gipahimutang nga Devotees City alang niadto’ng manambong sa ubang kalihukan sa 51st International Eucharistic Congress ug niabot lang og 19 ka pilgrims. Niadto’ng Domingo adunay lima nga niabot nga taga Barili ug Dumanjug, 10 niadto’ng Lunes ug laing upat niadto’ng Martes nga gikan sa Carcar City, Oslob, Ozamis City ug Toledo City. Si Meriam Cabaluna, tagdumala sa Devotees City, nagkanayon nga posible pa nga modaghan kini hangtud sa pagtapos sa IEC ugma. Adunay 112 ka container vans nga gipahuwam ang 2GO Freight. Ang 56 niini ang gihimo’ng temporaryo nga puy-an sa mga libud-suroy nga gi-rescue ug ang laing 56 mao ang gihimo’ng puy-anan sa mga nisalmot sa IEC.

Si Cabaluna niingon nga ang mga pilgrims hangtud lang sa Domingo sa gabii mopuyo kay kuhaon na sa 2GO Freight ang mga vans human sa IEC. Wala’y libre’ng pagkaon ang mga pilgrims hinuon adunay mga foams nga gipahuwam sa Cebu City Sports Center aron mahigdaan.

Ang Dakbayan sa Sugbo nipakatap usab og mga polis sa lugar alang sa seguridad niini.  (BANAT NEWS)

ACIRC ANG ANG DAKBAYAN CARCAR CITY CEBU CITY SPORTS CENTER DEVOTEES CITY DOMINGO INTERNATIONAL EUCHARISTIC CONGRESS MGA NGA OZAMIS CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with