^

Nasalbar sa Senyor Sto. Niño

(Banat) - January 14, 2016 - 9:00am

CEBU, Philippines - Usa ka pamilya nga nagpuyo sa Sitio Sto. Niño sa Brgy. Quiot nga naigo sa sunog nagtuo nga gipanalipdan sila sa Balaan nga Bata human igo rang nakan-an sa kalayo ang ilang balay niadtong Miyerkules sa gabii.

Si Roger Lao, 50, mibutyag nga ang ilang amahan nakapunit kaniadto og imahen sa Senyor Sto. Niño diha sa sapa ilawom sa taytayan sa dalan Sanciangko 50 ka tuig na ang nilabay.

Ang maong imahen ilang gidala sa ilang panimalay ug ila kining pistahan ug mag-novena sila sa pamilya matag buwan sa Enero dungan sa pagsaulog usab sa Pista Senyor sa dakbayan.

Nasayran nga ang computer shop sa pamilya nga adunay siyam ka computer units ang nakan-an sa kalayo apan walay tatsa ang ilang balay.

Si Cebu City Acting Mayor Edgardo Labella mibutyag nga base sa talaan gikan sa Department of Social Welfare Services  94 ka panimalay ang naapektahan gikan sa Sitio San Isidro Labrador ug Sitio Sto.Niño. 

Adunay 197 ka pamilya ang nawad-an og pinuy-anan o 772 ka indibidwal nga kasamtangan nga anaa karon sa  gym sa maong barangay.

Usa ka ad hoc committee ang gimugna ni Labella  nga gilangkoban nila ni City Administrator Dr. Lucelle Mercado, Atty. Jerone Castillo sa City Legal Office, Atty. Collin Rosell sa Division for the Welfare of the Urban Poor (DWUP) ug ang opisyal sa maong barangay.

Nasayran nga ang luna nga nasunogan iya sa Japer Development Corporation  ug kaniadto pa aduna nay relocation site nga gitanyag ang maong kompaniya alang sa mga residente kun sila mobiya sa lugar.

Apan miklaro si Labella nga dili mamahimong gamiton nga rason ang sunog aron palayason ang mga nasunogan. (BANAT NEWS)

 

ANG ATILDE CITY LEGAL OFFICE COLLIN ROSELL DEPARTMENT OF SOCIAL WELFARE SERVICES DR. LUCELLE MERCADO JAPER DEVELOPMENT CORPORATION JERONE CASTILLO NASAYRAN NGA SITIO STO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with