Video sa hugaw nga prisohan gisusi
(Banat) - January 8, 2016 - 9:00am

CEBU, Philippines – Nimando ang direktor sa Cebu City Police Office sa pagsusi sa usa ka police station diin nakuha sa mga langyaw ang video sa hugaw nga prisohan.

Ang video gikuha sa 27-anyos nga si David Laffargue ug kauban niini nga si Nathan Pertusat, 28-anyos, taga nasud sa France.

Ang duha nadakpan niadto’ng Nobiyembe 17, 2015 human sila nikatkat sa koral sa Calyx Residence sa Cebu Business Park aron molukso gikan sa tumoy sa building gamit ang parachute nga wala’y pagpananghid.

Kaso nga trespassing ang gipasaka ug gipriso sa Mabolo Police Station.

Sa video nga gi-upload niadto’ng Enero 1, gipakita ni Laffargue ang hugaw nga pansayan sa prisohan, mga basura ug ang karton nga ila’ng gigamit sa pagkatulog.

Sa video nipahimangno si Laffargue sa mga manan-away nga dili mosulod sa mga prisohan sa Pilipinas tungod kay matud pa wala’y ayo. Hinuon, gibutang niya sa awit nga dili gyud mosulod og prisohan.

Matud ni Senior Superintendent Marciano Batiancela Jr., acting director sa CCPO, nga nakigtagbo siya sa hepe sa Mabolo Police Station ug ila’ng paningkamutan nga masolusyonan ang problema.

Gipasabot ni Batiancela nga bisan dili matupngan ang kamaayo sa pasilidad sa prisohan sa ubang nasud apan ila’ng himuon ang paglimpyo niini.

Si Senior Police Officer 4 Roldan Paller sa Mabolo Police Station niingon nga nangayo na sila og tabang sa mga opisyal sa barangay Mabolo sanglit usa lang ang ila’ng tiglimpyo.

Did-an na usab ang mga langyaw nga mapriso nga makadala og cellphone apan ila’ng ihatag kung kini motawag sa ila’ng abogado.

Apan si Senior Superintendent Rey Lyndon Lawas, hepe sa Regional Directorial Staff sa Police Regional Office-7, nagkanayon nga responsibilidad usab sa jail officer ang kalimpyo sa prisohan.

Matud niya nga ila’ng susihon kung wala ba nagpabaya ang hepe o ang jail officer ug kun ngano’ng nakagunit og cellphone ang mga langyaw sulod sa prisohan. (Ma. Fatima R. Secuya/GMR)(BANAT NEWS)

ACIRC ANG CALYX RESIDENCE CEBU BUSINESS PARK CEBU CITY POLICE OFFICE DAVID LAFFARGUE FATIMA R ILA LAFFARGUE MABOLO POLICE STATION NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with