^

Bag-ong PRO-7 director molingkod

Jojo C. Ugdol (Banat) - December 8, 2015 - 9:00am

CEBU, Philippines – Duna na’y bag-ong direktor ang kapulisan sa Police Regional Office (PRO-7) human sa 18 ka bulan nga paglingkod ni Chief Superintendent Prudencio “Tom” Bañas sa Kabisay-an.

Mismo si Bañas ang mikompirmar sa maong balita kagahapon ug miila sa mohulip kaniya nga si Chief Supt. Manuel Gaerlan, gikan sa Directorate for Personnel and Records Management sa Camp Crame. Karong adlawa gikatakdang himuon ang turnover ceremony sa bag-ong direktor sa PRO-7.

Wala pa siya masayod kung asa siya idestino.

Sa 18 ka bulan nga paglingkod ni Bañas sa PRO-7 daghang mga pasidungog ang nadawat ang rehiyon ug gani nangharos kini sa tibuok nasud sa kampanya batok drugas ug loose firearms. Sa panahon ni Bañas nakahimo siya og 4,892 ka mga operasyon nga miresulta sa pagkasikop sa 6, 679 ka mga kriminal.

Sa maong mga operasyon nakahipos usab og 27, 722.13 gramos nga shabu ang kapulisan nga mikantidad og P307, 320, 062. 52 (milyones). Aminado si Bañas nga nakalitan kini sa migawas nga kamanduan nga hulipan na siya sa iyang pwesto apan sama sa ubang opisyal andam siya nga mosunod sa mando.

Gipasabot ni Bañas nga daghan pa unta kini og plano nga programa sa rehiyon, apan naglaom siya nga tiwason sa mohulip kaniya ang iyang nasugdan nga gimbuhaton ilabi na sa kampanya batok drugas. – /EIM) (BANAT NEWS)

AMINADO ANG ATILDE CAMP CRAME CHIEF SUPERINTENDENT PRUDENCIO CHIEF SUPT DUNA MANUEL GAERLAN NGA PERSONNEL AND RECORDS MANAGEMENT POLICE REGIONAL OFFICE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with