Polis nihimakak nangilkil og cigarette vendor
Jojo C. Ugdol/GMR (Banat) - December 3, 2015 - 9:00am

CEBU, Philippines - Gihimakak sa polis nga nadestino sa Fuente Police Station ang pasangil nga nangilkil siya sa mga mamaligyaay og sigarilyo sa Mango Square. Si Police Officer 1 Berlino Ricafort niingon nga dili niya mahimo ang pasangil isip usa ka polis.

Si Ricafort nadestino sa beat patrol sa mao’ng dapit apan matud niya nga igo lang siya nihimo sa trabaho nga magbadlong sa mga mamaligyaay og sigarilyo sa mao’ng dapit.

Nagduda kini nga lagmit ang mga nangasuko nga mga vendors ang nipaabot sa reklamo batok kaniya.

“Sa tibuok kinabuhi nako wala ko nakahinumdum nga nangayo ko og kwarta nga dili nako hinagoan,” matud ni Ricafort.

Gipasabot ni Ricafort nga sa iya’ng nahinumduman anaa na sa halos duha ka tuig siya nga nadestino sa Mango area ug mamadlong gyud sa mga buloyagon nga vendors apan kini nidugang nga wala gyud kini nakadakop og vendor kay kutob sa iya’ng mahimo iya ra gyud nga badlongon.

Lima ka buwan na nadestino ang polis sa beat patrol sa pang-adlaw nga oras sa mao’ng dapit diin wala gyu’y cigarette vendor nga namaligya.

Si Ricafort gipasanginlan nga ang mga vendors dad-on sa Fuente Police Station ug didto pamultahon og P500. Samtang ang hepe sa directorial staff sa Police Regional Office -7, Sr. Supt. Rey Lyndon Lawas, niingon nga mohimo sila og imbestigasyon sa reklamo aron paghatag og hustisya kung kinsa ang biktima ug paghatag usab og panahon sa polis nga makatubag.

Gitahasan na ni Lawas ang investigating body sa Cebu City Police Office nga mohimo og pagsubay sa pasangil ug pagpangita sa mga reklamante aron pagkuha sa ila’ng testimonya.

Si Ricafort andam moatubang sa reklamo og sa imbestigasyon.

“Bisan unsa’ng orasa andam ko motubag, limpyo ako’ng konsensya,” matud ni Ricafort.  (BANAT NEWS)

 

 

ACIRC ANG BERLINO RICAFORT CEBU CITY POLICE OFFICE FUENTE POLICE STATION MANGO SQUARE MGA NGA POLICE REGIONAL OFFICE RICAFORT SI RICAFORT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with