BSP nitugot na pagbayad sa utang sa SRP
CEBU, Philippines - Nakompleto na ni Cebu City Mayor Michael Rama ang requirements sa pagbayad sa utang sa South Road Properties (SRP). Kini human gitugutan sa Bangko Sentral ng Pilipinas (BSP) ang kagamhanan sa dakbayan nga bayaran ang kinatibuk-ang utang sa P2.3 bilyones nga loan sa Land Bank of the Philippines ngadto sa Japan International Cooperation Agency (JICA).
Mapasalamaton si Rama sa BSP sa pagtugot sa pagbayad sa utang sa SRP nga unta bayaran kini hangtud sa tuig 2025. Dugang ni Rama nga dili siya magsalig sa konseho kun unsa ang angay nga buhaton para sa kaayuhan sa tanan. Gitataw ni Rama nga dili na kinahanglan nga agdon o sultihan ang konseho.
Gawas sa pagtugot sa BSP, anaa na usab ang resolusyon sa konseho sa pagtugot kang Rama nga makig-negosasyon sa LBP aron pagbayad sa utang. (BANAT NEWS)
- Latest
