Anak sa‘hitman’ gipatay
(Banat) - November 13, 2015 - 9:00am

CEBU, Philippines - Anak sa gitumbok sa nagpatay nga lider sa mga guns for hire gipusil patay sa wala mailhing lalaki kagahapon kaadlawon diha sa Sitio Lawis, Barangay Ermita sa dakbayan sa Sugbo.

Wa nay pulso si Arvil Gomez, 19, nga anak ni Ariel “Budlat” Gomez, dihang naabtan siya sa mga sakop sa Cebu City Emergency Medical Services human kini nabulit sa samad pinusilan sa iyang kalawasan.

Si Senior Police Officer 2 Felomino Mendaros, Homicide investigator, miingon nga naglakaw ang biktima sa dalan padulong unta sa iyang balay dihang pag-abot sa foot bridge nga nagdugtong sa Pasil ug Ermita kalit lang may milanog nga mga buto sa armas.

Ang mga residente sa lugar daling nanggawas aron pagsusi sa hitabo apan ila na lang nakit-an si Gomez nga nagligdas na sa taytayan naligo sa iyang dugo.

Misibat ra sab dayon ang wala pa mailhing mamumuno human sa hitabo ug wa g’yuy nakakita sa nawong niini ug kun asa kini padulong. Ang mga sakop sa Carbon Police Station nga miresponde sab sa maong alarma nakakuha og duha ka kabhang sa kalibre .45 nga pistola gikan sa crime scene.

Sumala pa ni Mendaros nga ang biktima bag-ohay lang nakagawas sa Cebu City Jail sa kasong  paglapas sa Violence Against Women and Children tungod sa pagkulata sa iyang kapuyo.

Nakig-alayon ang mga imbestigador sa pamilya sa biktima aron masuta ang iyang background ug basin mahibaw-an nila ang naghimo sa maong krimen.

Si Budlat maoy gidudahan sa kapolisan nga responsable sa  pagpatay sa mga drug personalities dinhi sa dakbayan sa Sugbo sa nangaging mga buwan.

Gipatay siya niadtong buwan sa Agosto ning tuiga samtang kini ug laing usa niya ka anak naglakaw diha sa Ermita.  (Bryner L. Diaz/EIM)(BANAT NEWS)

ANG ARVIL GOMEZ BARANGAY ERMITA BRYNER L CARBON POLICE STATION CEBU CITY EMERGENCY MEDICAL SERVICES CEBU CITY JAIL ERMITA FELOMINO MENDAROS MGA NGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with