_banat
^

Lima sikop sa armas, shabu

(Banat) - October 25, 2015 - 10:00am

CEBU, Philippines – Nasikop sa kapolisan ang usa ka armado’ng tawo ug duha ka manuyupay og ginadili’ng drugas sa sitio Tunga, Tanke, dakbayan sa Talisay niadto’ng Sabado sa buntag.

Ang mga dinakpan mao sila si Gorioso Nacario, 38, minyo nga nagpuyo sa mao’ng dapit kinsa nakuhaan og .45 calibre sa armas nga adunay unom ka bala. Samtang nasikop ang duha ka manuyupay nga sila si Enovine Amagos, 23, ug Patrick Relampagos, pulos nagpuyo sa mao gihapong lugar.

Si Insp. Windell Abellana ug kaubanan ang niresponde sa alarma nga adunay armado’ng tawo sa lugar.

Sa ila’ng pag-abot nakit-an dayun ni PO3 Ferdinand Pablo ang suspek nga nikaratil sa pagdagan.

Gumikan sa ila’ng gidaghanon ila’ng napalibutan ang suspek nga nisulod sa mga balay.

Asoy ni Pablo nga ila’ng nakita ang duha nga nanuyop nga nagsiga ang mga mata hinungdan nga giapil kini nila og balhug sa bilanggoan.

Nakuhaan og tagsa ka gamay nga pakete’ng shabu ug drug paraphernalia ang duha ka dinakpan.

Si Nacario nagkanayon nga bag-o lang niya nga napalit ang armas gikan sa iya’ng higala apan siya nahingangha tungod sa kadali sa pagresponde sa kapolisan.

Gikatakda’ng pasakaan og kaso ang mga gipangsikop karong adlawa.

Samtang duha ang nadakpan sa buy-bust operation ug nasakmit ang mokabat sa P50,000 nga kantidad sa shabu sa Purok Nara, Poblacion, lungsod sa Liloan alas 3 pasado sa hapon niadto’ng Sabado.

Si Police Officer 1 Eric Pintoy sa Liloan Police Station niila sa nadakpan nga sila si Bobby Guc-ong, 26, ug Wilfredo Flores, 35, construction worker ug nagpuyo sa mao’ng dapit.

Matud ni Pintoy nga nakadawat sila og taho labot sa ilegal nga kalihukan sa suspek nga nakaaghat kang Senior Inspector Ramil Morpos, hepe sa kapolisan, sa pagpasiugda og buy-bust operation.

Sa pagrekisa kang Guc-ong mao’y nakuha ang duha pa ka daku-daku’ng putos sa shabu ug ang kauban sa suspek nga si Flores nga wala makalihok sa gilingkuran ug wala nakadagan ang dali usab nga gidakop.

Sa pagrekisa sa kalawasan ni Flores mao’y ila’ng nasuta nga nagdala usab kini og duha ka pakete’ng shabu hinungdan nga lakip usab sa gidakop. – /GMR) (BANAT NEWS)

ACIRC ANG BOBBY GUC DUHA ENOVINE AMAGOS ERIC PINTOY FERDINAND PABLO GORIOSO NACARIO LILOAN POLICE STATION NGA PATRICK RELAMPAGOS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with