Mga payag sa libudsuroy giguba
(Banat) - September 14, 2015 - 10:00am

CEBU, Philippines – Gilimpyohan na kagahapon sa buntag sa Prevention, Restoration, Order, Beautification, Enhancement (PROBE) Team ang mga ilawom sa tulay sa barangay Mabolo ug sa Banilad diin adunay 48 ka batan-on ang gi-rescue sa dakbayan sa Sugbo niadtong Biyernes sa gabii.

Matud ni PROBE OIC Wendell Cenas nga giguba nila ang upat ka payag nga maoy gipuy-an sa mga batan-on ug ilaha kining monitoron matag duha ka semana aron masiguro nga di kini balikan.

Nitug-an si Department of Social Welfare and Services head Dr. Ester Concha nga magtukod sila og bag-ong pasilidad nga himuong ”Womens and Children Center.”

Si City Administrator Lucelle Mercado miingon nga adunay P10 milyones nga pundo ug dugang P2 milyones gikan sa Department of Public Works and Highways nga magamit aron pagtukod sa maong building.

Matud ni Concha nga ang uban sa kababayenhan nga na-rescue mga estudyante sa Alternative Learning System (ALS) anha karon gibutang sa Pari-an Drop-in Center samtang nasuta nga ang mga lalaking na-rescue kasagaran nasud-gawas na sa Community Scout.

Kadtong adunay mga ginikanan ilang i-release ang mga bata apan magpadayon ang pag-monitor kanila sa mga social workers tungod kay way kabutangan kanila nga pasilidad. Sa laing bahin, ang kagamhanan sa probinsiya mibutyag nga aduna pa silay paninglunon nga P500 mil sa siyudad sa Sugbo tungod sa pagdala niini sa mga batang libud-suroy diha sa My Home sa barangay Tayud sa lungsod sa Consolacion.

Ang maong pasilidad nga gidumala sa lalawigan matud ni Bise Gobernador Agnes Magpale maoy dad-anan sa mga menor de edad nga dunay nahimong kalapasan sa balaod apan nasayran nga ang uban kanila mga residente sa dakbayan sa Sugbo.

Ubos sa Memorandum of Agreement (MOA) tali sa kagamhanan sa probinsiya ug Sugbo ang kagamhanan sa Sugbo mobayad ngadto sa Kapitolyo sa pag-accommodate nila sa mga menor nga residente sa siyudad.

Ang Justice Peace and Integrity of Creation-Integrated Development Center, Inc. (JPIC-IDC) mitugyan sa maong center sa kagamhanan sa probinsiya niadtong Enero 15, 2015. Ang maong center proyekto kini nga gidumala sa mga pari sa Society of the Divine Word ug kaabag ang Department of Social Welfare and Development (DSWD), apan  human sa tulo ka tuig ang probinsiya na maoy nidala sa pasilidad.

Matud ni Magpale nga 30 lang ka bata ang kapasidad sa maong center ug gani ang ubang mga menor nga taga probinsiya gibutang na lang ngadto sa laing mga center ug ang nagpabayad niini ang kagamhanan sa probinsiya. – /EIM) (BANAT NEWS)

ALTERNATIVE LEARNING SYSTEM ANG ANG JUSTICE PEACE AND INTEGRITY OF CREATION-INTEGRATED DEVELOPMENT CENTER BISE GOBERNADOR AGNES MAGPALE CENTER COMMUNITY SCOUT DEPARTMENT OF PUBLIC WORKS AND HIGHWAYS MATUD MGA NGA SUGBO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with