^

El Niño sunod tuig giandaman

Brenda Batuto (Banat) - September 7, 2015 - 10:00am

CEBU, Philippines – Niduso og P20 milyones nga budget ang Provincial Agriculture Office alang sa mga proyekto sa pagpangandam sa El Niño sunod tuig.

Si Dr. Roldan Saragena, hepe sa PAO, nibutyag nga P10 milyones ang alang sa Agri-Fishery Insurance, P5 milyones alang sa water catchment facility, P4.4 milyones sa production and support training sa mga mag-uuma ug P1 milyon matag lokal nga kagamhanan sa ila’ng Farmer Scientist Training Program (FSTP).

Gibutyag ni Saragena nga niini’ng tuiga, ang Kapitolyo nisugod na og patukod og water impounding facility sa barangay Tolosa, Malabuyoc nga kantidad og P1,074,000.

Ang mao’ng pasilidad mao’y pundohan sa tubig gikan sa sapa nga magamit sa mga mag-uuma sa ila’ng mga umahan ug hayupan panahon sa ting-init.

Kini mapahi-muslan sa upat ka kasikbit nga mga barangay.

Gawas niini, ang probinsiya manghatag usab og mga drums sa mga mag-uuma sa kalungsuran nga apektado sa huwaw aron punduhan og tubig.

Gibutyag ni Saragena nga nangita pa sila og mga suppliers sa dugang gidaghanon sa drums nga gikinahanglan nga moabot sa 1,300 kabuok.

Sa pagsugod sa El Niño niining tuiga, ang probinsiya nakapanghatag na og 100 ka drums.  – /GMR) (BANAT NEWS)

ACIRC AGRI-FISHERY INSURANCE ATILDE DR. ROLDAN SARAGENA EL NI FARMER SCIENTIST TRAINING PROGRAM GIBUTYAG MGA NGA PROVINCIAL AGRICULTURE OFFICE SARAGENA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with