^

Banat Balita

Bagyong Amang mihinay

Brenda Batuto - Banat

CEBU, Philippines – Nagkahinay ang bagyong Amang human mitugpa sa Camarines Norte ug nahimutang kini sa Lamon Bay base sa ulahing weather bulletin sa Philippine Atmospheric, Geophysical and Astronomical Services Administration (PAGASA) kagahapon sa alas 5:00 sa hapon.

Mga alas -4 sa hapon kagahapon ang sentro sa bagyo nahimutang kini sa 35 kilometer (km) amihanan amihanang kasadpan sa Daet, Camarines Norte.

Si Amang dunay gikusgon sa hangin nga 65 kilometer per hour (kph) duol sa sentro niini ug miabot ngadto sa 80 kph ang gikusgon sa unos.

Si Amang nag-irog sa amihanan amihanang kasadpan sa gikusgon nga 15 kph ug karong hapon gibana-banang mahimutang sa 170 km sa sidlakang bahin sa Tuguegarao City.

Sa Martes si Amang gibana-banang mahimutang sa 400 km sa sidlakang bahin sa Basco, Batanes ug sa  Miyerkules sa hapon gibana-banang mahimutang kini sa 620 km sa sidlakan amihanang sidlakan sa Itbayat, Batanes.

Sa Visayas wala nay natalang mga lugar nga ubos pa gihapon sa public storm warning signal.

Ang mga lugar nga ubos sa public storm signal #2 diin ang hangin niini dunay gikusgon nga 61-100 kph gilangkuban sa Camarines Norte, Northern Quezon lakip ang Polillo Island ug Aurora.

Ang mga lugar nga ubos sa pulic signal #1 diin ang hangin niini dunay gikusgon nga 30-60 kph gilangkuban sa Camarines Sur, ubang parti sa Luzon, Marinduque, Batangas, Cavite, Laguna, Metro Manila, Rizal, Bulacan, Nueva Ecija, Quirino ug Isabela. – /EIM) (BANAT NEWS)

BATANES

CAMARINES NORTE

CAMARINES SUR

GEOPHYSICAL AND ASTRONOMICAL SERVICES ADMINISTRATION

LAMON BAY

METRO MANILA

NORTHERN QUEZON

NUEVA ECIJA

SI AMANG

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with