Gibinaklid nga gipatay usa ka “hired killer”

CEBU, Philippines – Usa ka miyembro sa grupo sa gun for hire ang lalaki nga gipatay sa Panganiban Bridge niadtong Domingo sa hapon nga giposasan ug gitabangan og pusil sa duha ka gunman sumala pa sa hepe sa City Intelligence Branch (CIB) sa Cebu City Police Office nga nahinabi sa Banat News.

Matud pa ni Santander nga base sa ilang nakuha nga impormasyon si Joven Maranga nga lumad nga taga Banlot, Sibonga miyembro sa gun for hire nga giingong duna untay misyon bugti sa P15 mil, apan gikatahong wala niya kini trabahoa.

Kini karon ang gitutokan sa imbestigasyon nga maoy hinungdan kun nganong gipusil patay ang biktima.

Nagduda si Santander nga ang pagposas ug pagpatay sa biktima aron ipasangil ang krimen ngadto sa mga polis. Hangtod karon nagpadayon pa ang gihimo nga imbestigasyon sa kapulisan aron pagtumbok kun kinsa ang mihimo sa maong pagpatay.

Kahinumdoman nga si Maranga nakit-ang nakaposas ug nagdagan samtang gigukod sa unom ka mga lalaki, ang upat nagsakay og motor samtang ang duha nagdagan, ug dihang naabtan, gitabangan siya pagpusil. - /EIM) (BANAT NEWS)