^

Hepe sa DPS sa Sugbo naproblema sa budget

Rene U. Borromeo (Banat) - August 9, 2013 - 12:00am

CEBU, Philippines - Nag-atubang karon og dakung problema ang kagamhanan sa dakbayan sa Sugbo tungod kay hapit na mahurot ang gigahin nga kwarta alang sa pagbayad ngadto sa pribadong landfill sa lungsod sa Consolacion nga maoy labayanan og basura sa siyudad.

Si Engr. Dionesio Gualiza, hepe sa Department of Public Services (DPS) namahayag nga gamay na lang kaayo ang nahabilin sa P30 milyones nga “tipping fee” budget nga giaprobahan sa konseho sa Sugbo alang karong tuiga.

Ang dakbayan sa Sugbo magbayad og P700 sa matag tonelada kon usa ka libo ka kilo nga malabay ngadto sa pribadong landfill sa Barangay Pulog, Consolacion.

Matud ni Gualiza nga ang P30 milyones mao usab ang gikuhaan sa abang sa tulo ka truck sa basura apil na ang mga garbage collector niini.

Ang maong tulo ka pribadong truck sa mga basura kompleto kini sa drayber ug mga garbage collector nga gisweldohan sa contractor ug sila usab ang mogasto sa konsumo nila sa gasolina. Ang dakbayan mobayad og P1,700 sa matag tonelada nga basura nga ilang mahakot ngadto sa Consolacion.

Si Gualiza mibutyag nga matag adlaw kapin sa 400 ka tonelada nga basura ang mahakot gikan sa lain-laing dapit dinhi sa dakbayan.

Ang maong gidaghanon sa basura gilaumang mosamot kadaghan kung maka-hire ang DPS og dugang street sweepers nga idestino sa South Road Properties.

Si Mayor Michael Rama sa iyang bahin, misaad nga papaspasan ang pag-andam sa Supplemental Budget aron ang gisugyot ni Gualiza nga laing P30 milyones nga “tipping fee” masukip sa maong dugang budget. (/BDB) (BANAT NEWS)

BARANGAY PULOG CONSOLACION DEPARTMENT OF PUBLIC SERVICES DIONESIO GUALIZA GUALIZA SI ENGR SI GUALIZA SI MAYOR MICHAEL RAMA SUGBO
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with