Pulso sa unang distrito pabor ni Soco

CEBU, Philippines - Sipa na kaayo  ang  mga huhungihong  nga  maglayag  sa kadaugan  sa pagka-bise  gobernador  si Glenn  Soco  luyo  sa pagka-independente  niini  karong  umaabot  nga election.           

Kini  base  sa pulso  sa mga katawhan  nga  mikuninit  sa pagpakighimamat  kang Soco  sa  mga  nagkalain-laing  lugar  sa  unang  distrito  sa miaging  adlaw.            

Gikan sa Talisay  paingon  sa Sibonga, matag  lugar  sa mga  syudad  sa Talisay, Naga ,  ug Carcar  ug  mga lungsod  sa Minglanilla, San Fernando  ug Sibonga, usa  ray  pagtuo  sa  mga  suporter  ni Soco  sa maong  mga  dapit , nga  walay  laing  mosunod  nga  bise  gobernador  sa lalawigan  kundi  ang  maong  batan-ong  magpapatigayon.           

Usa  sa nakapaisug  sa katawhan  sa pagpaluyo  kang Soco  mao  ang  kahimsug  sa panglawas  niini  nga  maoy  lig-ong basehanan  nga  ang  tanan  niyang  gisaad  matuman  gayud.            Sa  matag  dapit  nga  sum-okon  ni  Soco  wala kini  laing  ipasalig  sa katawhan  kundi  ang  paghatag  og  libreng  edukasyon  sa mga  kabus  nga  tinun-an, paghatag  og  trabaho  sa  mga walay  trabaho,  pagpauswag  sa panginabuhi  sa  mga kabus,  pag-atiman  sa panglawas  sa tanan  ug  uban pa.  (BANAT NEWS)