Gwapa kaayo

CEBU, Philippines — Nakit-an lang ni Coco Martin si Mariel de Leon sa Magandang Buhay, ug gigwapahan kaayo siya niini hinungdan nga iya kining gikuha isip leading lady sa Metro Manila Film Festival entry, ‘Ang Panday”, diin siya usab ang director ug bida. Gigwapahan usab siya og maayo kang Kylie Versoza dihang nakoronahan kini isip Miss International sa nilabay nga tuig hinungdan nga iyang gihinabi ug nasayran niya nga interesado kini nga muarte.

December 12

Sa December 12 na ang kasal ni Ai Ai delas Alas ngadto kang Gerald Sibayan pero busy pa kaayo siya karon sanglit aduna siyay gisugdan nga soap alang sa GMA7 ug gibuksan sab nga restaurant. Suma pa ni Ai Ai nga wala siya ma-stress sa umaabot niyang kasal, kundi sa iyang pagbukas og restaurant.

Dili tinuod

Giklaro ni Sunshine Cruz nga dili tinuod ang mga istorya kaniadto nga gibayran ni Cesar Montano og milyones ang producer sa iyang pelikula kaniadto nga Dukot Queen aron lamang dili kini mapasalida ug dili mauwawan ang aktres sanglit labihan ka bastos sa maong pelikula. Suma pa ni Sunshine, wala mahuman ang maong pelikula gumikan kay nasuko na og maayo ang iyang mga ginikanan sa iyang pagpa-sexy sa pelikula, ug dili kini tungod kay gibayran ni Cesar ang producer.

Live in

Giangkon ni Derek Ramsay nga usa ka tuig na silang naglive-in sa iyang non-showbiz girlfriend nga si Joanne Villablanca ug nga hapit na sila magpakasal.  Ang bida sa “All of You” Metro Manila Film Festival movie entry kauban ni Jennylyn Mercado nagkanayon nga lahi na matud pa karon ang iyang prayoridad kay kun makasuroy siya og mall, mga gamit sa balay na ang iyang paliton.

Nahugyaw

Nahugyaw si direk Cathry-Garcia-Molina kang Robin Padilla gumikan sa ka mapaubsanon niini. Suma pa sa director sa ‘Unexpectedly Yours” nga gibituonan ni Robin kauban sila si Sharon Cuneta, Julia Barreto ug Joshua Garcia, tanang tawo sa set pangayuan gyud matud pa og katahuran sa actor.

Miss Korea mimugna’g kasaysayan

Si Jenny Kim, pambato sa Korea, maoy nakoronahan isip Miss Supranational 2017 didto sa Poland sa milabay nga adlaw.

Mimugna og kasaysayan si Kim sanglit siya ang labing unang Korean nga nakalangkat og titulo sa usa ka international pageant.

Ang pambato sa Pilipinas nga si Channel Olive Thomas gipasidunggan isip Miss Friendship ug nasulod sa Top 10. Mao kini ang labing taas nga comeback sa Pilipinas human nakoronahan si Mutya Datul sa maong indigay niadtong 2013.

 Napiling First Runner-up ang pambato sa Colombia;

Second Runner-up si Miss Romania; Third Runner-up si Miss Ethiopia ug Fourth Runner-up si Miss Puerto Rico. (BANAT NEWS)