P16.6 milyong shabu sakmit atol sa operasyon sa PRO-7
CEBU, Philippines — Gikan sa Mayo 14 hangtud sa 16, 2024 sa samang buwan ang Police Regional Office (PRO)-7 nakasakmit og 2,455.47 gramong shabu nga nikantidad tanan ngadto sa P16.6 milyones.
Niabot ngadto sa 119 ka drug personalities ang nasikop sa operatiba.
Ang kapolisan nakapahigayon usab og 96 ka operasyon batok illegal gambling nga diin 125 ka sugarol ang nasikop ug nikabat ngadto sa P20, 562 nga kwarta nga kita sa sugal.
Nunot niini, niaot sa 22 ka operasyon ang napahigayon sa kapolisan batok sa loose firearms diin 22 ka armas ang nakompiska ug gi-surrender ug 12 ka tawo ang sikop.
Samtang sa wanted person, 71 ka tawo ang nadakpan kinsa siyam niini most wanted person ug 62 ang other wanted person.
Sa laing bahin, nikabat ngadto sa P4 milyones ang kandidad sa shabu nga nasakmit sa kapolisan sa Lapu-Lapu City Police Office (LCPO) gikan sa unom ka suspetsadong pusher nga ilang nadakpan sa gipahigayon nilang usa ka adlaw nga Simultaneous Anti-Criminality Law Enforcement Operation (SACLEO) niadtong Mayo 16 hangtud sa 17, 2024.
Samtang tulo ka suspetsadong durugista ang nasikop ug napuhag ang usa ka drug den atol sa gipahigayong buy-bust operation ang PDEA Cebu Provincial Office uban ang Cebu City Police Office Station 2 diha sa Sitio Lupa, Barangay Kamputhaw, Siyudad sa Sugbo niadtong Biyernes sa hapon.
Nadakpan ang subject sa buy-bust ug tigmentinar sa drug den nga si Jason Calanog, 34-anyos, walay trabaho apil sa nadakpan ang tigbisitahan sa drug den nga sila si Victor Sultan, 39-anyos, mamuhatay og chorizo ug Jemedel Purisima, 43, usa ka tattoo artist.
Nasakmit sa kapolisan gikan sa mga suspetsado ang 12 ka putos nga shabu nga nitimbang og 15 gramos ug nibalor tanan ngadto sa P102, 000, empty sachet nga dunay residue sa shabu, buy-bust money, kwarta nga P400 nga gituohang halin sa ginadiling drugas ug nagkalain-laing drug paraphernalia. Romeo D. Marantal ug Rowena D. Capistrano, BDB BANAT NEWS
- Latest
