Bag-ong opisyales sa kooperatiba sa Mandaue nanumpa

CEBU, Philippines — Nanumpa alang sa hingpit nilang pag-asumer sa katungdanan ang mga bag-ong opisyales sa City Credit Safety Fund Cooperative ug City Cooperative Development Council sa siyudad sa Mandaue.

Gihimo ang pagpanumpa sa buhatan ni Mandaue City Mayor Jonas Cortes niadtong miaging adlaw ug nanghinaut ang mayor nga sila magiyahan sa kahitas-an alang sa pagserbisyo sa mga Mandauehanon nga matinud-anon ug adunay integridad.

Naglakip sa mga bag-ong opisyales mao sila si Emedio Bustillo nga maoy napili nga secretary sa maong kahugpongan uban usab niini sila si Cecille Cui nga maoy treasurer ug Auditor nga si Augie Marie Inoc.

Gipili usab ang unom ka sakop sa komitiba nga magdumala sa mga panginahanglan sa matag miyembro.

Lakip sa pagahimoon sa komitiba sa Mandaue City Cooperative Office ang pagpahigayon og mga trainings sa matag-barangay kabahin sa livelihood programs ug ang pagpadagayday sa mga serbisyo diha sa kabarangayan. — /MEL (BANAT NEWS)