Range 999 pasakaan og kasong murder gikan sa frustrated murder
CEBU, Philippines — Gibutyag sa hepe sa Mabolo Police Station Major Romeo Caacoy, Jr. nga giamendar na nila ang kasong frustrated murder nga gipasaka batok kang Jed Andrew Salera o naila sa pangalan nga Range 999 kagahapon ug naghuwat nalang sila sa inquest sa City Prosecutor s Office.
Gikan sa kasong frustrated murder nahimo na kining murder gumikan kay namatay ang 37-anyos nga American national nga gipusil sa suspetsado.
Nasayran nga wala makagawas ang bala nga niigo sa ibabaw ng bahin sa dughan sa biktima.
Base sa nakuha namo nga death certificate mga alas 4:28 sa hapon, Martes, March 19, 2024, namatay ang langyaw , matud ni Caacoy.
Unang gidala diha sa Cebu City Medical Center ang biktima ug gibalhin dayon kini ngadto sa pribadong tambalanan.
Samtang nakuha na kapolisan sa Mabolo Police Station ang ngalan sa lalaki nga namatid sa langyaw kini base nakuhang footage sa closed-circuit television (CCTV) nga nikatap.
Si Caacoy nagkanayon nga tan-awon unya nila ang posibleng lakang nga ilang buhaton batok sa maong lalaki apan sa pagkakaron nitutok una sila sa pagsang-at sa kasong murder batok kang Salera. (BANAT NEWS)
- Latest
