Lalaking magsige bai-id sa dughan sa dalaga gipadakop

CEBU, Philippines — Gidakop sa mga beat patrollers sa Mabolo Police Station sa Cebu City ang usa ka 53- anyos nga lalake human gireklamo sa usa ka 18-anyos nga babaye kay matud pa nagbinastos kini samtang sakay sila sa pampublikong sakyanan diha sa BIR overpass sa Barangay Luz, siyudad sa Sugbo, Sabado sa gabii, Marso 16.

Ang dinakpan nga 53 anyos, residente sa Barangay Luz samtang ang 18-anyos nga reklamante tinun-an sa kolehiyo nga taga Barangay Bacayan.

Sa report sa Mabolo sa Police Station nagtapad ang biktima ug suspek sakay sa pambulikong sakyanan.  Matud pa nakainom ang suspek ug giingong gasige og sikit niya ang suspek unya tuyoon nga ang iyang siko maigo sa dughan sa biktima.

Giingong moaksyon na sab matod pa og hawok ang suspetsado sa biktima hinungdan nga nagpatabang ang dalaga sa kapulisan nga miresulta sa pagkasikop sa suspetsado.

Ang suspek kasohan og kalapasan sa Republic Act 11313 kun Safe Spaces Act "Bawal Bastos Law" human ang dalaga desidido nga mopasaka niini batok sa suspek. (BANAT NEWS)