Mga mitukod og balik sa ilang panimay sa brgy Pusok gipahunong

CEBU, Philippines — Gipahunong ni Lapu-Lapu City Mayor Junard "Ahong" Chan ang gisugdan na pagtukod nga mga panimalay sa nasunogan sa sitio Sta. Maria sa Barangay Pusok. Giingon nga nagpailang lumad nga gipangulohan ni Datu Amihan ang mitukod sa mga panimay diha sa nahisgutang dapit.

Ang mayor mituyo sa pagbisita sa lugar human gipahibawo ni Kapitan Ronie Emperio sa barangay Pusok.

Gipasabot ni mayor Chan nga kadto lang gyud nga mga tinuod nga biktima sa sunog nga nagpuyo sa lugar ang tugutan sa pagtukod og balik sa ilang mga pinuy-anan.

Gikinahanglan usab ang koordinasyon sa iyang buhatan tungod kay dunay ipatuman nga reblocking ang kagamhanan sa dakbayan sa dili magtukod sa ilang mga panimay ang mga nabiktima sa sunog.

Kini pagahimoon alang sa pagbutang sa mga dalan sa dapit aron sa paghatag og agianan sa mga sakyanan ilabi na panahon sa emerhensya.

Nunot niini gidapit ni Chan ang mga nagpailang lumad sa pagbisita sa iyang buhatan sa city hall ug sa pagdala sa gihuptan niining dokumento sa yuta nga maoy magmatuod sa ilang pagpanag-iya sa luna. (BANAT NEWS)