US Carrier Strike Group nia karon sa Pilipinas
CEBU, Philippines — Nia karon sa Pilipinas ang USS Carl Vinson Nimitiz-class aircraft carrier sa Amerika kauban ang laing tulo ka mga barkong paggubat alang sa port visit.
Gikatahong dunay umaabot nga joint patrol kauban ang Philippine Navy diha sa West Philippine Sea ug sa kadagatan duol sa Taiwan.
Ang presensiya sa maong mga barko gihulagway nga pagpakita sa mas gipalig-ong alyansa sa Pilipinas ug Amerika.
Ang USS Carl Vinson (CVN-70) gikuyogan og Ticonderoga-class guided-missile cruiser nga USS Princeton ug duha ka Arleigh Burke-class guided-missile destroyers USS Kidd ug USS Sterett.
Ang USS Carl Vinson mao ang flagship sa Carrier Strike Group (CSG) 1 ubos sa 7th Fleet nga nadestino dinhi sa Pasipiko, nangabot sa Manila kagahapon ug gipaabot nga magpabilin kini didto sud sa pipila ka adlaw.
Sumala pa sa gipagawas nga pamahayag sa US Navy, ang maong port visit nagpakita sa nagkalig-ong U.S.-Philippine Alliance ug lapad nga kooperasyon sa duha para sa Indo-Pacific region uban sa pagpalig-on sab sa ilang relasyon ngadto sa mga lokal nga mga lider sa Pilipinas aron pagsemento sa pito ka dekada nang alyansa sa duh aka mga nasud.
“It is a pleasure for the Carrier Strike Group to visit the Republic of Philippines. The U.S. and the Philippines are steadfast friends, partners in prosperity, and ironclad allies," matud pang CSG-1 commander Rear Adm. Carlos Sardiello.
“Our two countries share democratic values, close cultural ties and our alliance has stood strong for over 72 years. As our oldest treaty ally in East Asia, the Philippines has shown their unwavering commitment in helping secure a free, open, peaceful, and prosperous Indo-Pacific region,” dugang pa niya.— IBM (BANATNEWS)
- Latest
