Mga minors nga mosimba sa Misa de Gallo gibantayan

CEBU, Philippines — Hugot nga gibantayan sa kapolisan sa Lapu-Lapu City Police Office ang mga minor de edad nga manggawas sa ilang panimay og kadlawon aron mosimba sa Misa de Gallo.

Si Police Lieutenant Colonel Christian Torres, pangulo sa City Investigation Detection and Management Unit (CIDMU) ug tigpamaba sa LCPO miingon nga dili sitahon sa mga otoridad ang maong mga batan-on kun paingon kini sa simbahan.

Kini bisan pa sa padayong gipatuman nga Curfew Ordinance alang sa mga minor de edad ug igo lang sila sa pagmonitor niini. Gipasabot ni Torres nga gisiguro lamang gyod sa kapolisan nga adto gayod sa simbahan ang ilang padulgan ug dili kini moliko ngadto sa laing lugar. Ang higpit nga pagbantay sa mga minor de edad gitumong aron malikay sila sa mga dautang elemento o malambigit sa bisan unsa nga kagubot. (BANAT NEWS)