8.4 ektaryang luna hingpit na nga nabawi sa Kapitolyo
CEBU, Philippines — Hingpit na nga nabawi sa Probinsiya sa Sugbo ang luna niini diha sa Barangay Kalunasan, Dakbayan sa Sugbo nga adunay gilapdon nga 8.4 ka ektarya gikan sa usa ka foundation.
Si Gobernador Gwendolyn Garcia nipirma og kasabotan uban sa presidente sa Pagtambayayong Foundation Inc. (PFI) Jane Tumagan alang sa maong katuyoan.
Ang kasabotan nikanselar sa Joint Venture Agreement sa Kapitolyo ug sa PFI niadtong Septiyembre tuig 1911 diin ubos pa kini sa administrasyon ni kanhi gobernador Lito Osmeña diin sa maong JVA ang Kapitolyo nitanyag kaniadto og 24 ka ektarya nga luna diha sa Barangay Kalunasan alang sa housing development nga gipundohan sa PFI.
Ang kita sa maong proyekto bahinon sa Kapitolyo ug sa PFI.
Apan 30 ka tuig ang nilabay, ang PFI naka-develop lang og 16 ka ektarya nga luna ug ang nahibilin nga 8.4 ka ektarya ang wala pa ma-develop.
Kini ang hinungdan nga ang PFI nidesisyon nga ibalik ngadto sa Kapitolyo ang wala ma-develop nga luna. — BDB (BANATNEWS)
- Latest
