Libreng man-made beach gustong mugnaon sa Cordova

CEBU, Philippines —  Si Mayor Cesar "Didoy" Suan sa Lungsod sa Cordova, nagtinguha nga makabaton og usa ka lapad nga libreng man-made beach ang lungsod nga maoy gisugyot nga proyektong buhaton sa usa ka kompanya nga nagtinguha magpahigayon og reclamation project sa maong lungsod.

Matud pa ni Suan, aduna na silay mga plano alang sa pagbukas unya sa dako kaayo nga public beach sa lungsod nga bukas kini sa publiko apan wala pa kini karon masugdan tungod sa reclamation moratorium sa Pilipinas.

Dugang pa ni Suan mahimo unya kining usa sa mga tourist destination sa ilang lungsod dili lang taga Cordova apan apil na ang gikan sa lain-lain nga mga dapit sa Sugbo og silingan nga probinsya.

Gitinguha sa lungsod nga modagsa ang mga bisita sa ilang lugar kay makapabaskog kini sa ilang ekonomiya kay makatabang kini sa mga gagmay nga mga patigayon ug dugang oportunidad  para sa mga nangita trabaho ug uban pa.