Santa Fe mo-regulate sa diving activities sa ilang lugar

CEBU, Philippines —  Ang konseo sa Lungsod sa Santa Fe nipalabang og ordinansa alang sa pag-regulate sa diving activities sa lungsod.

Base sa municipal ordinance No. 11-2021 nga napasar niadtong Disyembre 12, 2022 ug gipirmahan sa mayor niadtong Marso 29, 2023 gipadayag nga ang tanang diving operators ug mga patigayon kalabot sa diving sa lungsod kinahanglang mokuha og permit gikan sa buhatan sa mayor.

Ang tanang lokal ug international guides kinahanglan usab nga accredited sa municipal tourism office sa Santa Fe.

"All local dive guides, tour guides and boat captains applying for accreditation shall attend an orientation on responsible diving annually to be conducted by the municipality", tipik sa nahisgutang balaod.

Ang mga diving operator ug businesses kinahanglan usab nga makaumol og organisasyong nga tawagon og “Santa Fe Diving Association”.

Ang tanang kalihokan sa diving sa lungsod kinahanglan una nga i-repot sa centralized diving center sa dili pa ipahigayon ang kalihokan.

Adunay recreational diver's fee nga P100 alang sa matag diver-tourist.

Sa maong ordinansa gilatid ang mga gidili sama sa pagpangisda diha sa dive site ug gidili usab ang pagkolekta og mga natural items gikan sa dive site.

“It shall be prohibited to dive without placing and maintaining on the dive site any mooring buoys; it shall be prohibited for diving boats to drop boat anchors at the dive sites; it shall be prohibited to spear fish or do any fishing activity on any dive spot around the municipal waters”, tipik sa mga gidili nga nakalatid sa balaod.

Gidili pud ang pagpahigayon og video documentation o filming sa site sa coastal water sa lungsod nga walay written permit sa buhatan sa mayor. Adunay P2,500 nga fee alang niini.              

Ang makalapas sa maong balaod mamahimong makbayad og multa nga P2,000 ngadto sa P2,500, ma-revoke ang business permit o mamahimong mapriso hangtud sa lima ka tuig. — BDB (BANATNEWS)